Ўрхон Шоиқ Кўкёй (Orhan Şaik Gökyay) – турк адабиёт адабиёт тарихи ва тил олми, шоир, маърифатпарвар.
“Бу Ватан кимники” шеъри машҳурдир. Унинг Дада Қўрқут ҳикоялари ҳақидаги илмий ишлари адабиётшунослар орасида қадрлидир.
ҚОРИШИҚ
Ерлардан кўкларга тортардим тўрлар
Шу оққан юлдузлар манимдир, маним.
Тиззамнинг тубига пўстин ёзардим,
Жилмайган гуллар-да манимдир, маним!
Япроқлар, мевалар, гуллар новдаси
Кўзларнинг, тилларнинг тўлуғ муждаси,
Ўрадим ўзимнинг, дарди ниҳоним,
Бошим туман-туман, дилда фиғоним?
Йўлларга тушмишман, қўлсиз-оёқсиз,
Туркулар тузмишман сўзсиз, туроқсиз.
Созимни синдириб, сасин олибман,
Тордан учиб кетган унимдир, уним!
Салом, эй бағримга урилган садо,
Алвидо “нечун”га, “чунки”га видо!
Бир мушкулот юрган йўлда турибман,
Сенга ўгрилгандир томоним, ёним!
Оташга берибман тўртта фаслни,
Бир япроққа индирибман тақвимни.
Кеча бўлиб, сени тушда кўрибман,
Эл билан кечмас ҳеч куним, оҳ куним!
Бахшим мени олиб тортиб кетибди,
Жайронлари тўла жойга элтибди,
Сени нишон олиб, ўзни урибман,
Тинмай оқар қоним, қонимдир маним!
Садолар қайтар йўлдан; ўтган кунимдир,
Саслар тутар йўлга, сўнгим, сўнгидир.
Заҳарми, асалми, нимадир қордим
Тотмоқ уни мушкул, у маним, маним!
СЕНИ КУТМОҚДАМАН, УЛ КУН БУЛ КУНДИР
Сендан юз йил аввал келиб, дунёда
Сени кутмоқдаман, ул кун бул кундир…
Гоҳ ғурбатда, гоҳ соғинчда, зиёда
Сени кутмоқдаман, ул кун бул кундир…
Кўзларим йўлларда, йўлим узоқда,
Гулоб билан ювингандинг қучоқда,
Муз тўшакда қотдим ёлғиз ётоқда,
Сени кутмоқдаман, ул кун бул кундир…
Бешикларда, йўргакларда бир жаҳон –
Оқ гуллар ичинда қуёш – митти жон,
Кўзларинг сим-сиёҳ, дудоқлар маржон
Сени кутмоқдаман, ул кун бул кундир…
Уйда ўйнардинг ўзинг қўғирчоқми,
Йироқдан кузатар эдим мароқли,
Юлдузлардан инма бир гул яноқли,
Сени кутмоқдаман, ул кун бул кундир…
Кўзларинг сўзлайди, тилларим бийрон,
Садаф лаблар бурни айлайди ниҳон,
Қиқирласанг гўё жаранглар осмон…
Сени кутмоқдаман, ул кун бул кундир…
Уйғондимки, қарашингда ўзгариш,
Юраман ўзгача… ҳайратли бу иш!
Кўрган тушим ўнгга ёки айланиш
Сени кутмоқдаман, ул кун бул кундир.
Ўлим хаёлингга келмайди севгач,
Ўйланмас оқибат инжадан инжа…
На кундузим кундуз, на кечам кеча,
Сени кутмоқдаман, ул кун бул кундир…
Таъбир этармикин тушми – рўёмни?
Қабул этди хайрга энди йўярми?
Умидим бор, шифолайди ярамни,
Сени кутмоқдаман, ул кун бул кундир…
Турк тилидан Йўлдош Эшбек таржимаси