ТЎРТЛИКЛАР

Ёшлик ўтиб борар бирма-бир, кам-кам,
Мени чулғаб борар ҳасрат ҳамда ғам.
Кўнгил дардидану дунё ғамидан
Икки кўзим эрур доимо пурнам.

***

Мен мансаб ортидан юрмадим ҳаргиз,
Мансабпарастларга лоқайдман ҳамон.
Совуқ, қаттиқ ҳамда баланд бўлса ҳам
Тарма ҳам қуртлашдан топмагай омон.

***

Дарё соҳилида, чинор остида
Ёру нигоримсиз танҳоман , ёлғиз.
Ёлғизликда ҳаёт мазмуни йўқдир,
Қани май бўлсаю ҳамда жонон қиз.

***

Томчи сув суякка айланармиди
Ҳукмингсиз бўлсайди жумлаю жаҳон.
Ибодат қиламан жамоат билан
Қошингда топширай дея имтиҳон.

***

Варзоб шеърим сингари атойи худо эрур,
Унинг ҳар қатра суви дардимга даво эрур.
Чиққин тоғлар бағрига, боққин чирой, сеҳрига
Ҳар мозорининг тоши моили дуо эрур.

Тожикчадан Ҳасанбой Ғойиб таржимаси