Алисамид Кур (1954)

Алисамид Кур (Əlisəmid Kür) 1954 йилда туғилган. Ҳозирги замон Озарбайжон адабиётининг истеъдодли намояндаларидан бири. “Рангин кўлкалар”, “Қирқ таниш чеҳра” (1991), “Кентавр” (1997), “Тер ва қон ичида” (2000) китобларининг муаллифи.

* * *

Кулчанинг бир юзи бор –
Орти турар тандирда.

Тупроқнинг бир юзи бор –
Уни қанча кавлама,
Ич-ичини кўрмассан.
Тупроқнинг бир юзи бор
Елкасини кўрмассан!

Ёлғоннинг нонини емассан,
Ёлғоннинг минг юзи бор.
Мен бир тўғри сўз айтдим
Сўзимнинг бор бир юзи –
Бир юзи бор Алисамиднинг.

ШУ САБАБ…

Ҳар миллатнинг қора куни бор, –
Қора байроғи бор шу сабаб.
Қўримоққа гар тупроғи бор, –
Қурол-яроғи бор шу сабаб.

Қора кунинг бўлса оқ уни,
Қора байроқда бор қора ел, –
Гумонинг ҳам қора шу сабаб.
Зулм пайти дард билинар
Мард қолса номард қўлида,
Юрт қолса душман қўлида, –
Қолганинг ҳам шу эрур,
Ўлганинг ҳам шу эрур.

МАРСИЯ

Саркаш сойларнинг оқиши
Сувларнинг боғлиқ сасига.
Мен кечдим.
Сен кечолмадинг
Тупроғим-ей!

Сир бордир қудуқ тубинда,
Ич-ичига чўкар дарди.
Жинниси оқил каби,
Ақллиси жинни каби
Миллатим-ей!

Оташ чўғи қолган ўчоқ,
Кулга боғлиқ.
Қочиб қолар бари қўрқоқ
Мардларин ўлимига боғлиқ –
Мамлакатим-ей!

Юрти талон бўлган юрт,
Ғам, ҳасратга қўяр чек.
Увлаяпман бўридек –
Миллатим-ей,
Мамлакатим-ей!

Озарбайжончадан Хосият Рустамова таржимаси.