Урушдан олдин ўзининг «Прасковья Максимовна», «Сўқир машинист», «Стукачидаги меҳмонлар», «Насл-насаби номаълум» сингари асарлари билан шуҳрат қозонган атоқли рус ёзувчиси Валентин Овечкин 1906 йил 22 июнда Таганрог шаҳрида банк хизматчиси оиласида дунёга келади.
В. Овечкин ижодий фаолияти давомида ҳаётий материалларга бой, давр нафаси билан суғорилган, китобхонни ҳаяжонга соладиган, эртанги кунга дадил боқишга ундайдиган, нуқсонларни мардона фош этган, ҳақиқат ғалабасига ишонтирадиган барҳаёт асарлар яратди. Унинг «Серташвиш баҳор» тўпламига кирган асарлар шундан далолат беради.
В. Овечкин 1968 йил 27 январда Тошкентда вафот этди.