Германиялик ёзувчи, романнавист, Нобель мукофоти соҳиби Пауль Томас Манн 1875 йили  Любекда туғилган. Гимназияда ўқиб юрган кезлариёқ Томас «Баҳорги  момақалдироқ» деб номланган адабий, фалсафий журналга асос солган.Унинг биринчи ҳикоялар тўплами 1898 йили «Кичкина хўжайин Фридеманн» номи билан чоп этилган. 1929 йили Томас Манн «Будденброклар» романи учун адабиёт соҳасида Нобель мукофотини қўлга киритади.Асарлари: «Будденброклар» («Buddenbrooks — Verfall einer Familie», роман, 1901), «Тонио Крегер» («Tonio Kröger», новелла, 1903), «Тристан» («Tristan», новелла, 1903), «Қирол ҳазратлари» («Königliche Hoheit», 1909), «Венецияда ўлим» («Der Tod in Venedig», ҳикоя, 1912), «Сеҳрли тоғ» («Der Zauberberg», роман, 1924), «Марио ва сеҳргар» («Mario und der Zauberer», ҳикоя, 1930), «Иосиф ва ака-укалари» («Joseph und seine Brüder», роман-тетралогия, 1933—1943), «Ёш Иосиф» («Der junge Joseph», 1934), «Иосиф Мисрда» («Joseph in Ägypten», 1936), «Иосиф-боқувчи» («Joseph der Ernährer», 1943), «Озодлик муаммоси» («Das Problem der Freiheit», эссе, 1937), «Лотта Веймарда» («Lotte in Weimar», роман, 1939), «Алмашилган бошлар. Ҳинд афсонаси» («Die vertauschten Köpfe — Eine indische Legende», 1940), «Доктор Фаустус» («Doktor Faustus», роман, 1947),  «Маҳбуб» («Der Erwählte», роман, 1951), «Қора оққуш» («Die Betrogene: Erzählung», 1954), «Авантюрист Феликс Крулнинг эътирофи» («Bekenntnisse des Hochstaplers Felix Krull. Der Memoiren erster Teil», 1922/1954).