Аксаков Сергей Тимофеевич 1791 йил 20 сентябрда (1 октябрь) Уфада туғилган. Гимназияни битиргандан сўнг Қозондаги университетга ўқишга киради (тугатолмайди). Бир қанча йил Петербургда хизмат қилади, Г.Р. Державин ва А.С. Шишков билан дўстлашади.1811 йили Москвага кўчиб келиб, адабий-театр доираларига қўшилади, театр таржимонлиги билан шуғулланади (Шиллер, Мольердан таржималар қилади). 1826 йилдан “Вестник Европы”, “Московский вестник”, нашрларида “Молва” газеталарида қатнашиб туради. 1920-йилларнинг охири Аксаковлар хонадони Москванинг энг олди адабий марказларидан бирига айланади. Аксаков “шанбалик”ларига актёр, ёзувчи, филолог, мунаққид, таржимон ва бастакорлардан М.П.Погодин, С.В. Шевырев А.Н. Верстовский, М.С. Щепкин, И.И. Панаев, Н.В. Гоголь, А.С. Хомяков, И.В. Киреевский, П.В. Киреевский, Н.В.Станкевич, А.И. Герцен, М.А. Бакунин, В.Г. Белинский, Т.Н. Грановский, П.Я. Чаадаев, Н.Х. Кетчер, И.С. Тургенев, М.Н. Загоскин, Л.Н. Толстой, Т.Г. Шевченко, С.Г. Волконский кабилар ташриф буюрардилар.Унинг “Хотиралар” (1956), “Адабий ва театр хотиралари” (1858), “Урал казаклари” (1821), “Овчи хотиралари” (1855), “Оила йилномаси” (1856), “М.Н. Загоскинанинг таржимаи ҳоли” (1853), ” Гоголь билан танишувим тарихи” (1890), каби асарлари машҳур.Аксаков Москвада 1859 йили вафот этган.