Буало Депрео (Boileau Despreaux) Никола (1636.1.11—Париж—1711.13.3) — француз шоири, танқидчи, классицизм назариётчиси. Сорбонна университетида ўқиган. 1660—66 йилларда ёзилган илк сатиралари (9 сатира) ахлоқий, маиший ва адабий мавзуга бағишланган.
«Ода ҳақида мулоҳазалар» (1693) ва «Ритор Лонгиннинг баъзи жойлари хусусида танқидий мулоҳазалар» (1694) асарлари «қадимий ва янги адиблар ўртасидаги баҳс»га бағишланган.
Уларда Буало антик мавзу ва антик шоирлар ижодининг афзалликларини исботлашга уринган. Классицизм эстетикасининг асосий қоидалари баён қилинган «Шеърий санъат» (1674) дидактик поэмаси антик давр адабиёти асарларига татаббу тарзида ёзилган, Аристотелнинг «Поэтика»си ва Горацийнинг «Шеърият илми»ни ўзида умумлаштирган. Буало ўз асарларида оддий халқ турмушини акс эттирган. Мольерни «қўполлик ва тўпорилик»да айблайди, Рассинни эса юқори табақага мансуб бўлган олий ва юксак диднинг таърифчиси сифатида улуғлайди. Буало шоирларни сарой доирасидаги кишилар дидига мос асар ёзишга чақиради, у абсолютизм ғояларининг маддоҳи сифатида адабиёт тарихидан ўрин олди. Ижоди 17—18-асрлар Европа адабиётига таъсир этган. «Шеърий санъат» асари Жамол Камол томонидан ўзбек тилига таржима қилинган (1978).
Жаноб! Бирмунча вақт олдин иккимизнинг орамизда низо чиққанидан кўпчиликнинг хабари бор, демак, энди уларни ўзаро сулҳга келганимиздан ҳам хабардор қилиб қўймоғимиз лозим. Шунда улар бизнинг Парнасдаги бу можаромиз Қирол ҳазрати олийлари ғоят донолик билан тақиқлаб қўйган дуэлга ўхшаб кетганини тушуниб давоми…