Asl ismi Milosh Derd Nikola (Millosh Gjergj Nikolla) bo‘lgan alban shoiri va yozuvchisi Mideni taxallusi bilan tanilgan. Turli yillarda yozilgan “Inqiroz haqida ma’ruza”, “Ko‘mirdan oling, janob”, “Shahar taronalari”, “Ibodatxonada”, “Kichkintoy Yuliy” kabi hajviy hikoyalar, “Erkin ash’orlar”, “Uyg‘onish qo‘shiqlari”, “So‘nggi qo‘shiqlar” she’riy to‘plamlari muallifi.
Migeni. Chumchuqning halokati (hikoya)
Oxiri chumchuq ham dilgirlik kasaliga mubtalo bo‘ldi. Bu hech kimning xayoliga kelmagandi. Ammo-lekin uning o‘ziga ma’lum edi. O‘sha chumchuq nazardan qolgan yurtda dunyoga keldi. Bahor fasli bu zaminda yam-yashil giyohlar, o‘t-o‘lan o‘rniga itqo‘noq, chaqirtikanak, daraxtlar o‘rniga daqqiyunus davridagi vahshiy hayvonlarning davomi…