Жон Голсуорси (1867.14.8 — Лондон — 1933.31.1) — инглиз ёзувчиси, драматурги.
Дастлабки асарлари — «Тўрт шамол» (1897) ҳикоялар тўплами, «Жослин» (1898), «Вилла Рубейн» (1900) романлари янги романтик йўналиш таъсирида ёзилган.
Голсуорси «Фарисейлар ороли» (1904) романи билан ижтимоий-маиший мавзуда романлар туркуми яратишга киришди. «Қўрғон», «Чорбоғ» (1907), «Қардошлик» (1909), «Патриций» (1911), «Фрилендлар» (1915) романларида жамиятдаги турли табақалар ҳаётидаги қарама-қаршиликлар акс эттирилган.
Голсуорси гарчи адабиётдаги янги оқимлар — эстетизм, натурализм, модернизмга замондош бўлса ҳам, анъанавий реализм мактабига содиқ қолиб, уни янги босқичга кўтарди. «Жой» (1907), «Кураш» (1909), «Адолат» (1910) ва бошқа пьесалари меҳнаткашлар ҳаёти ҳақида.
Муайян зодагон оиласи тақдирига бағишланган йирик эпопея — «Форсайтлар ҳақида қисса» (1906— 22), «Замонавий комедия» (1924—28), «Бобнинг якуни» (1931—33) трилогиялари ва шу туркумга кирган ҳикояларида 19-аср охири — 20-асрнинг биринчи чорагидаги инглиз жамияти ҳаёти моҳирона тасвирланди, жамиятдаги кучли ва ожиз томонлар ҳаётий лавҳаларда очиб берилди. Голсуорси асарлари кўплаб хорижий тилларга таржима қилинган.
Нобель мукофоти лауреати (1932).
Характер яратиш — сирли жараён, ҳатто айтиш мумкинки, эҳтимол, бу жараён характер яратилаётган муте ёки ўжар объектлардан кўра характер яратаётган одамнинг ўзи учун сирлироқдир. Бу жараёнга иш очилмаган, у ҳужжатлар билан тасдиқланмаган ва унга аниқ бир таъриф бериши амримаҳол. Ҳар давоми…
Адабиёт надир? Модомики, ёзувчи тўғрисида гапира бошлаганларидан аввал, унинг оламдан ўтиб кетгани маъқулроқ экан, бир нарсани келишиб олганимиз маъқул — муаллифи ҳаёт экан, унинг асарини ҳали адабиёт деб ҳисобламаймиз. Аммо бундай қилмаганимиз тақдирда ҳам китоблар бениҳоя кўп бўлганидан ва улар давоми…
Профессионал мунаққид деб аталмиш само аҳлига мансуб бўлмаган ёзувчи бошқа ёзувчилар тўғрисида мулоҳаза юритишга жаҳд қилар экан, фақат уларни дил-дилидан яхши кўргани учун бунга журъат қилади. Лекин тирик ёзувчи бошқа тирик ёзувчиларни дил-дилидан яхши кўриши камдан-кам бўладиган ҳодиса, аксинча, у давоми…
Мен биринчи навбатда 1812 йилда Лондонда туғилиб, 1870 йилда Гедехиллда вафот этган Чарльз Диккенснинг қиёфасини чизиб бермоқчиман. Ўша йиллар қай бир даражада бўлса-да, илк викторианлик даврининг улуғвор йиллари бўлган эди. Инглиз романнавислари гарчи ижтимоий адолатсизлик ҳолатлари намоён бўлаётганини кўриб, жуда давоми…