Faqir Boyqurt – hozirgi zamon turk adabiyotining yirik namoyandalaridan biri. Uning haqiqiy ismi Tohir. Bir kuni u bir jo‘natma oladi. Unda kimdir xato qilib, Tohir o‘rniga Faqir yozib yuborgan edi. Avvali u rosa kuladi, keyin o‘ylanib qoladi: o‘zi chindan ham faqir oiladan bo‘lsa, hamqishloqlari ham faqir,– nima uchun bu nomdan orlanishi kerak? Shu kundan e’tiboran o‘z asarlariga Faqir Boyqurt deb imzo qo‘ya boshlaydi.
Faqir Boyqurt 1929 yilda Burdur viloyati, Oqchako‘y qishlog‘ining Yashilova tumanida dehqon oilasida tug‘ildi. To‘qqiz yoshida otasi vafot etdi, ro‘zg‘or tashvishlari onasi Alif bilan oilada ikkinchi farzand bo‘lmish Faqirning zimmasiga tushdi. Keyin pedagogika bilim yurtiga kirdi. U “qishloq instituti” hisoblanardi. 1948 yilda bu “institut”ni bitirgach, o‘qituvchilik qildi.
– Senga aytyapman, ketma. Nima, turkchani tushunmaysanmi?– Oysha jufti halolining miyasini qoqib qo‘liga berardi.– Ketma! Mojaro qasabaning eng chekkasidagi polizda yuz berayotgan edi. Pomidor, kartoshka, baqlajonu garmdorilar, choyyaproq, oddiy karam, gulkaram va bodringlar to‘linoyning asal yorug‘ida tovlanib yilt-yilt qilib turardi. davomi…
Duysburgda vokzal katta: o‘n uchta perronning hammasi qubbasimon shisha tom ostida. Bir poyezd kelaveradi, boshqasi ketaveradi. Puling bormi, o‘tir-da ketaver: Hollandiyami, Daniyami, Shvetsiya, Shveytsariya, Avstriya, Frantsiyami ko‘ngling tusagan tomonga… Yo‘lovchilar oqimi kunduzi ham, kechasi ham tinmaydi. Yuklar – xomashyo, tayyor davomi…
Sharif Alining g‘oyat katta, oxiri ko‘rinmaydigan bug‘doyzorlari hatto sokin, shamolsiz kunlarda ham xuddi oltin dengizday mavjlanadi. Yorqin quyosh yog‘dulari ostida mayin-mayin raqsga tushayotganga o‘xshaydi. Uning bunday bug‘doyzorlari to‘rttami, beshta. Deyarli hammasi yaxshi sug‘oriladi, hosili ko‘pligidan omborlari to‘lib-toshadi. Sharif Ali ba’zan davomi…