2013 йилда Адабиёт бўйича Нобель мукофотига сазовор бўлган канадалик ҳикоянавис ёзувчи Элис Манро (Alice Ann Munro) 1931 йилда Канаданинг Октарио шаҳрида фермер Роберт Эрика Лэйдлоу ва мактаб ўқитувчиси Энн Кларк Лэйдлоу оиласида таваллуд топади. Элис бадиий адабиёт билан ўсмирлик чоғидан шуғиллана бошлайди ва ўзининг “Соя ўлчови” илк ҳикоясини 1950 йилда, университетда ўқиб юрган чоғида чоп эттиради.
Элис Манронинг “Бахтли соялар рақси” номли биринчи ҳикоялар тўплами 1968 йилда нашр этилган. Тўплам китобхонлар, шунингдек, жамоатчилик томонидан юксак баҳоланиб, ёзувчига шуҳрат келтиради ва Канаданинг адабиёт бўйича энг юксак соврини “Генерал-губернатор” мукофоти”га сазовор бўлади. Бири иккинчиси билан боғлиқ бўлган ҳикоялардан иборат “Аёллар ва қизлар ҳаёти” номли тўплам ёзувчининг шуҳратини янада оширади. Навбатдаги, “Сен ким бўлибсан?” ҳикоялар тўплами учун ёзувчи иккинчи марта “Генерал-губернатор мукофоти” билан тақдирланади. Ана шундай мукофотга 1986 йилда яна бир карра сазовор бўлади. 2009 йилда эса унга Халқаро Букер мукофоти топширилади. Элис Манро жами 20 дан ортиқ турли мукофотлар совриндори.
Ёзувчининг кўпгина ҳикоялари турли тилларда, жумладан, рус тилида чоп этилган. Нобель қўмитаси аъзолари Элис Манрони “замонавий ҳикоялар устаси” деб баҳолаган. Аксарият танқидчилар Манронинг ҳикоялари кўп ҳолларда романларга хос ҳис- туйғуларга, бадиий теранликка эга, дея таърифлашади. Манро ҳикоянависликда, бошқалардан айри ўлароқ, ўзига хос, баъзан ўқувчи англаши бир мунча мураккаб бўлган услубга эга.
2002 йили ёзувчининг катта қизи Шейла Манро онасининг ҳаёти ва ўзининг болалиги ҳақидаги хотираларини нашр эттирган.
Элис Манронинг “Ундан олисда” ва “Вегасдаги қизлар даврасида” ҳикоялари асосида бадиий фильмлар яратилган.
Бир куни оқшом кўйлакка дазмол босаётган чоғим ҳаётимга ўзгариш киритган муҳим воқеа содир бўлди. Тўғри, дабдурустдан хаёлимга келиб қолган фикр оддий эди, аммо жуда бошқача, кишини ўзига тортарди. Эрим меҳмонхонада телевизор томоша қилиб ўтирарди. Мен унинг олдига бордим ва хаёлимга давоми…
1965 йил июнь ойида Торранс-хаус мактабида ўқув йили якунланиши билан Жулиет кетиш тараддудига тушиб қолди. Негаки, у касал бўлиб қолган ўқитувчи аёлнинг ўрнида вақтинча ишлаб турган эди. Аёл соғайиб кетди. Бунинг устига доимий яшаш учун бирон бошпана топилмади. Жулиет уйга давоми…
Оилада фарзанд дунёга келиши бу катта қувонч ва чексиз бахтдир. Бўлажак отанинг туғруқхона эшиги олдида хушхабар кутаётган пайтдаги ҳаяжонлари эса бу бахтнинг қадрини яна бир карра ошириши айни ҳақиқат… Билишимча, отам мени туғилганимда атиги бир марта кўрган. Ўша пайтларда эркакларни давоми…