Дейл Брекенриж Карнеги (Dale Breckenridge Carnegie) – америкалик педагог, ёзувчи. Ўша давр руҳшуносларининг илмий ишланмаларини таржима қилиб, амалий татбиқ этиш билан бир қаторда, мулоқотга киришиш назариясини яратишга асос солган. У жанжаллашмай ва яхши муомала қилишнинг ўз йўриқномасини ишлаб чиққан. У самарали мулоқот, нутқлар қилиш малакаларини мустақил тарзда такомиллаштириш бўйича психологик қўлланмаларни ишлаб чиқди.
Дейл Карнегининг асосий тамойили – ёмон одам бўлмайди, деган ақидага таянади. Мавжуд нохуш ҳолатлар билан курашиш, қимматли ҳаётни майда-чуйда гаплар билан арзон баҳога “сотмаслик” ғояси муаллиф ҳаётида йўлчи юлдуз бўлиб қолди. Д.Карнегининг шу руҳдаги бир қатор асарлари дунё жамоатчилиги томонидан ҳамон севиб ўқилмоқда.