Keshokov Alim Pshemaxovich [1914.9(22).7, Shalushka qishlog‘i (hozirgi Kabarda-Balkariya, Chegem tumani) — 2001.29.01, Moskva, Rossiya] — kabardin shoiri va yozuvchisi. Kabarda-Balkariya xalq shoiri (1964). 2-jahon urushi qatnashchisi.
Ilk she’rlar to‘plami — «Tog‘ etaklarida» (1941). «Chavandozning yo‘li» (1946) dostoni, «Yoshlik zamini» (1948), «She’rlar» (1951) to‘plamlarida 2-jahon urushi voqealari aks etgan. «Cho‘qqilar uyg‘oq» (1—2-kitob, 1960, 1966); «Singan taqa» (1973), «Oy chiqishi» (1977) romanlarida kabardin xalqining hayoti tasvirlangan.
«Qorli tog‘dan qarab» avtobiografik qissasi (1974), «Alxo» pesasi (1950), «Ko‘chki» kinostsenariysi (1951) muallifi.
Keshokov o‘zbek shoirlari (A. Oripov, O. Matjon va b.) she’rlarini kabardin tiliga tarjima qilgan. «Cho‘qqilar uyg‘oq» romani o‘zbek tilida nashr etilgan (1970).
Alim Keshokov. Cho‘qqilar uyg‘oq: Roman. Qishloq revkomining birinchi raisi bo‘lgan otamga bag‘ishlayman (Ruschadan E. Nosirov tarj.). — Toshkent, Adabiyot va san’at nashriyoti, 1984. Kabardin adibi Alim Keshokovning «Cho‘qqilar uyg‘oq» romani Oktyabr inqilobiga bag‘ishlangan yirik polotnodir. Bu asarda muallif inqilob sharofati davomi…