Udalov Aleksandr Andreevich [1914.21.9, Simbirsk (hozirgi Ulyanovsk shahri)] — rus yozuvchisi. O‘zbekiston xalq yozuvchisi (1974). 1920 yildan Toshkentda yashagan. 2-jahon urushi qatnashchisi (1943—46).
«Literaturnыy Uzbekistan» (1937—40), «Zvezda Vostoka» (1960-65; 1967-69; 197185) jurnallarida hamda «Komsomolets Uzbekistana» (1941—43) gazetasida bosh muharrir, O‘zbekiston Davlat nashriyotida muharrir (1953—56), O‘zbekiston Yozuvchilar uyushmasi boshqaruvi raisi o‘rinbosari (1956—75) bo‘lib ishlagan.
«Vatan urushi yillarida bolalar» turkum hikoyalari (1941) va «Marina» qissasini (1940) yozgan. Qissa va hikoyalar to‘plamida («O‘rmonlarda», 1943—49; «Jonim bilan», 1947—48; «Zamondoshlarim», 1950; «Yoz kunlarining birida», 1957; «Qizlar», 1961; «Ko‘k tog‘larda», 1981 va b.) urush fojialari tasvirlangan.
«Sabr kosasi» dilogiyasi («Sabr kosasi», 1-kitob, 1964; «Muhabbat mangu», 2-kitob, 1973) Turkiston tarixi va xalqlar do‘stligi haqida. «Vatan o‘g‘loni» (1982), «Turmushimiz kunlari» romanlari (1989) muallifi.
P. Muhamadyorova va Hakim Nazirning qissa va hikoyalarini rus tiliga tarjima qilgan. Hamza nomidagi O‘zbekiston davlat mukofoti laureati (1983).
Aleksandr Udalov. Muhabbat mangu. Roman. [N. Sodiqov tarjimasi]. — Toshkent, Adabiyot va san’at nashriyoti, 1975. A. Udelovning «Muhabbat mangu» degan yangi romanida kitobxon yana Qurbon, Tozagul, Nadejda Malyasova kabi qahramonlar bilan uchrashadi. Qitobxon bu qahramonlar bilan yozuvchining bir necha yil davomi…