Удалов Александр Андреевич [1914.21.9, Симбирск (ҳозирги Ульяновск шаҳри)] — рус ёзувчиси. Ўзбекистон халқ ёзувчиси (1974). 1920 йилдан Тошкентда яшаган. 2-жаҳон уруши қатнашчиси (1943—46).
«Литературный Узбекистан» (1937—40), «Звезда Востока» (1960-65; 1967-69; 197185) журналларида ҳамда «Комсомолец Узбекистана» (1941—43) газетасида бош муҳаррир, Ўзбекистон Давлат нашриётида муҳаррир (1953—56), Ўзбекистон Ёзувчилар уюшмаси бошқаруви раиси ўринбосари (1956—75) бўлиб ишлаган.
«Ватан уруши йилларида болалар» туркум ҳикоялари (1941) ва «Марина» қиссасини (1940) ёзган. Қисса ва ҳикоялар тўпламида («Ўрмонларда», 1943—49; «Жоним билан», 1947—48; «Замондошларим», 1950; «Ёз кунларининг бирида», 1957; «Қизлар», 1961; «Кўк тоғларда», 1981 ва б.) уруш фожиалари тасвирланган.
«Сабр косаси» дилогияси («Сабр косаси», 1-китоб, 1964; «Муҳаббат мангу», 2-китоб, 1973) Туркистон тарихи ва халқлар дўстлиги ҳақида. «Ватан ўғлони» (1982), «Турмушимиз кунлари» романлари (1989) муаллифи.
П. Муҳамадёрова ва Ҳаким Назирнинг қисса ва ҳикояларини рус тилига таржима қилган. Ҳамза номидаги Ўзбекистон давлат мукофоти лауреати (1983).
Александр Удалов. Муҳаббат мангу. Роман. [Н. Содиқов таржимаси]. — Тошкент, Адабиёт ва санъат нашриёти, 1975. А. Уделовнинг «Муҳаббат мангу» деган янги романида китобхон яна Қурбон, Тозагул, Надежда Малясова каби қаҳрамонлар билан учрашади. Қитобхон бу қаҳрамонлар билан ёзувчининг бир неча йил давоми…