Misrlik yozuvchi Ahmad Abdulloh Mitvaliy (أحمد عبدالله متولي) “Qattiq shivirlash” (1991), “Ishq va qon tarannumi” (2001) hikoyalar to‘plami, “Al-Xomishiy va dengiz” (1993), “Oshiq-ma’shuqlar” (1997), “Yo‘lovchilar”, “Shayx Mas’udni qidirgan kim?”, “Olov va oltin ko‘prik”, “Sel oqimida qolib ketgan gul” kabi romanlar muallifi.
Adibning ijodi serqirra – arab publitsistikasi taraqqiyotida uning o‘rni yaqqol bilinib turadi. Arab adabiyotshunos olimi Nasr Abbos uning ijodiga shunday ta’rif beradi: “Bir tomondan, tamadduniy birlashish fikri, ikkinchi tomondan, asliyat ato etganlarni qadrlash – bular yozuvchi Ahmad Abdulloh Mitvaliyning hikoyachilik badiiy mahoratida asosiy belgilardir.
Ahmad Abdulloh Mitvaliyning “Ishq va qon tarannumi” to‘plamidagi hikoyalarida ham ruhan, ham jismonan yolg‘iz qolgan insonlarning holati, ularning iztiroblari, ong osti fikrlari, ota-onalar va farzandlar o‘rtasidagi munosabatlar, vatan tuyg‘usi, bugungi inson, XXI asr yoshlarining ma’naviy qiyofasi, qadriyatlari va aksincha, ma’naviy tubanlashuvi kabi masalalar aks ettiriladi.
Oqshom asta-sekin shaharni va uning hazin qalbini og‘ushiga ola boshladi. Osmonning olis chekkasida so‘nggi bulutlar og‘ir suzib yurarkan, hoynahoy, ular yomg‘irga homilador edi. Bulutlarning chetlari kumush hoshiyadek chiroyli tovlanar edi. Qushlar o‘z inlariga qaytdi. Tulkilar ham o‘zlarini inga urdi. Uning davomi…