Нодонликдан ёмонлик келади фақат,    
Нодонга ёндашма, босмасин ғафлат.

* * *

Шон-шавкат юксак мақсад сари интилганнинг мулкидир.

 

* * *

Икки дўст тураркан елкама-элка,
Тоғларни ҳам осон айлайди тилка.

* * *

Ёмонга қўшилма, бўлурсан ёмон,    
Қаросин юқтирар доимо қозон

* * *

Донолар сўзига қулоқ илмасанг,
Энг нодон сендирсан – билгил, билмасанг.

* * *

Панду насиҳатдан ким ўгирди юз,
Заҳмати минг бўлур, пушаймони – юз.

* * *

Нодонликдан ёмонлик келади фақат,
Нодонга ёндошма, босмасин ғафлат.

* * *

Тажрибали ит барсни тутиб ер,
Қочар тулкидан жанг кўрмаган шер.

* * *

Ақл улуғликка этади пайванд,
Ақлсизнинг доим оёғида банд.

* * *

Кимки тиғ кўтарар биров жонига,
Замон ташна бўлур унинг қонига.

* * *

Бировга соғинса ҳар ким ёмонлик,
Ниҳоят ул ўзи топмас омонлик.

* * *

Тўғриликдан келмиш ҳамма яхши от,
Эгриликдан фойда кўрмади бир зот.

* * *

Қайда равшан бўлса тўғрилик нури,
Эгрилик сўнади, қурийди шўри.

* * *

Гапирмаган гапинг ичингда ниҳон,
Ҳар томон ёйилар айтганинг замон.

* * *

Ўзининг айбини билганда одам,
Бошқалар айбини сўзламасди ҳам.

* * *

Ўзгага қилган мурувватингни дўстга ҳам, душманга ҳам мақтанма.

* * *

Ўз ёвин парвариш қилган одам хом,
Жаҳонда чиқарар ахмоқ деган ном.

* * *

Тирик қолиб ғаним бўлгандан шодон,
Шараф билан ўлиш яхшироқ чандон.