Daraxt emas, yaproqli,
Ko‘ylak emas, etakli,
Odam emas so‘zlaydi,
Turli kuylar kuylaydi.
(Kitob)

Ustida qopqoq,
Tagida qopqoq,
Ichinda yaproq.
(Kitob)

Tilsiz, aql o‘rgatar.
(Kitob)

Bodomcha bodomcha bilan,
Etti kalit tom bilan.
Ne ko‘zi bor, ne og‘zi bor,
So‘ylashadi odam bilan.
(Kitob)

Oq yer ochdim,
Qora bug‘doy sochdim.
(Qog‘oz, yozuv)

Qo‘l bilan ekilar,
Og‘iz bilan yig‘ilar.
(Yozish, o‘qish)

Tog‘dan tayladim sinmadi,
Suvga tayladim sindi.
(Qog‘oz)

Sirti tayoq,
Ichi bo‘yoq
(Qalam)

Uzun bo‘yli,
Yo‘rma to‘nli.
(Qamish qalam)