Shahodat Ulug‘ 1970 yili Nurota shahrida tug‘ilgan. ToshDU (hozirgi O‘zbekiston Milliy universiteti)ning jurnalistika fakultetini tamomlagan. “Qayta tug‘ilish” (1997), “G‘animatim” (2004) singari bir necha nasriy asarlar hamda “Aftondil”, “Suyunchi”, “Shams, Qamar – Qurbongul” (2010) nomli dostonlar va “Amsterdam xotiralari” lavhalari muallifi.
Xorazmshohlar tarixidan hikoya qiluvchi uch romandan iborat – “Jayhun epkinlari”, “Sen yig‘lama faqat”, “Xaloskor sulton Qutuz” – trilogiyasi adibaning markaziy asari hisoblanadi. Mohiyatiga ko‘ra tarixiy-epik asar sanalgan, Qur’oniy timsollar bilan ziynatlanib, nazmiy ehtiroslar bilan to‘yintirilgan uslubda bitilgan ushbu asarlar o‘quvchini yurtimizning ulug‘vor va ayni paytda g‘ussalarga to‘la o‘tmishi tomon yetaklaydi.
Adiba hozirda Niderlandiyada yashab ijod etadi.
Tomas yozishga mukkasidan ketayotir edi… Uning juda olis zamonlarda qolib ketgan, ammo xazin bitiklari ichida tomchi tug‘ayotgan faromush xayollari shakl-shamoyil topayotgandi, vujud bo‘layotgandi. Tomas kayfiyat bandasi, ko‘ngil fuqarosi edi. So‘z naqqoshining quvvai hofizasi fig‘onli mung taratdi, bamisli aftondil ko‘ngilning hasratli davomi…
Quyosh ko‘kda jilva qiladi. Bahor chindan borliqni yashnatib yuborgan edi. Muambar shamol chunon diltortar, ham nilufar samo huzurbaxsh, ham borliq cheksiz va shaksiz go‘zal edi. Kun peshindan o‘tib, asrga qarab og‘di. Akam ikkimiz shahardan qishloqqa qarab yo‘l soldik. Yukim yo‘q davomi…