Рустамжон Умматов 1952 йил 29 апрель куни Чортоқ шаҳрида таваллуд топган. Наманган Давлат педагогика институтининг (ҳозирги университет) тарих-филология факультетини (1974) тамомлагач, мактабда, вилоят телерадиокомпаниясида мухбир, муҳаррир, бўлим мудири, бош муҳаррир (1982–1999), вилоятнинг бош нашри – «Наманган ҳақиқати»да махсус мухбир (2000–2012), республиканинг етакчи нашрларидан «Қишлоқ ҳаёти» газетасининг Наманган вилояти, кейинчалик Фарғона водийси бўйича мухбири (2001–2007) ва «Адолат» газетасининг Наманган вилоятидаги ўз мухбири вазифаларида ишлаган. «Энг улуғ, энг азиз» республика танлови ғолиби (2001), Ўзбекистон Ёзувчилар уюшмаси ва Ўзбекистон Журналистлар уюшмасининг аъзоси.
«Чароғбон» (2000), «Зулматда сўнган зиёлар» (2000), «Қутлуғ даргоҳ» (2002), «Кўнгил гавҳари» (шеърлар, 2002), «Видо манзили» (эссе, 2005), «Оби равон» (2007), «Самандар» (2007), «Ахсикент» (2009), «Одам борки…» (2009), «Чароғбонлар» (2016), «Наманганнинг саркитоби» (2019), «Унутмас мени боғим» (ҳужжатли қисса, 2019), «Ғазнаи Намангон» (энциклопедия, 2022) каби китоблари чоп этилган.
Рустамжон Умматов таржимасида «Клодиус Бомбарнак» (Жюль Верн), «Олтин касофати» (Бруно Травен), «Наполеонзода» (Шарль Лоран), «Наполеоннинг жосуси» (Ш. Лоран), «Робинзонлар мактаби» (Ж. Верн), «Музлар исканжасида» (Ж. Верн), «Икки Диана» (Александр Дюма), «31 август» (Лоранс Коссе), «Жаллод чангалидаги ошиқлар» (Шевале де Мезон Руж, А. Дюма) асарлари нашр этилган.