Мирзоҳид Мирзараҳимов 1943 йилнинг 16 сентябрида Ўш вилояти Қорасув туманидаги Наримон қишлоғида туғилган. Тошкент Давлат Университетининг журналистика факультетини тамомлаган.
Ёзувчининг илк ҳикояси “Висол” “Шарқ юлдузи” журналида 1965 йили чоп этилган. Шундай қилиб бирин-кетин ҳикоялари ёруғ кўра бошлаб, 1974 йили “Ёш гвардия” нашриётида “Ойдин тунлар” номли илк китоби дунёга келди.
“Оқ булутлар” (1977), “Нурли занжир” (1983), “Нурафшон олам” (1985) китоблари чоп этилган.
Мирзоҳид Мирзараҳимов 1997 йил 3 сентябрида вафот этган.
Қуёш оловкор, осмон мусаффо эди. Бирдан чақмоқ чаққандай, момақалдироқ гумбурлагандай бўлди. Бирдан минг-минглаган чумолилар бошимга қараб ўрмалаётгандай туюлиб кетди. Гўё осмондан узилган чақмоқ тўғри бошимга тушиб келаётгандай, бирдан ўзимни панага олдим. Йўлдан Назокат келяпти! Унинг кўзларида ўша-ўша чақмоқ ёлқини, дудоқларида давоми…