Жуманиёз Жабборов 1930 йил 25 октябрда Қашқадарё вилояти Косон туманида туғилган. Ўзбекистон халқ шоири (1997). Ўзбекистонда хизмат кўрсатган санъат арбоби (1980). ТошДУнинг филология факультетини тугатган (1952). «Баҳор нафаси» (1956), «Мақсад йўлида» (1958), «Субҳидам хаёллари» (1964), «Саҳро санами» (1967), «Лирика» (1970), «Достонлар» (1974), «Эътиқод» (1978), «Хаёлимда ўзинг» (1985), «Кўнглим гўзали» (1991), «Ажаб дунё — севги дунёси» (1996), «Юлдузларда хаёлим», «Севгим самоси» (2006) каби асарлар ёзган. Насрий асарлари ҳам бор («20 кун дафтари, 1967; «Соҳиллар ҳикояси», 1974). М. Ю. Лермонтов, Байрон ва Фирдавсий («Шоҳнома») асарларини ўзбек тилига таржима қилган. Драмалар ҳам ёзган («Ўжарлар», 1973; «Йиллар ўтиб…», 1977; «Нексия», 2007 ва бошқа). Жуманиёз Жабборов 2010 йил 13 декабр куни 80 ёшида вафот этган.