Азамат Қоржовов 1977 йил 13 январда Самарқанд шаҳрида туғилган. Самарқанд Давлат университетининг Ўзбек филологияси факультетини тамомлаган.«Регистон», «Маърифат нури» газеталарида мухбир, СамДУ қошидаги 1-сонли Академик лицейда она тили ва адабиёти фанларидан ўқитувчи, «Парвона» ва «Бекажон» газеталарида муҳаррир бўлиб ишлаган. Ҳозирда «Суғдиёна» газетаси «Адабий бўлим» муҳаррири.Бугунги кунда ёзувчининг «Дизайн Пресс», «Давр Пресс», «Камалак», «Янги нашр» каби нашриётларда 30 та китоби нашр этилган.
Кимнингдир ёзганига офарин, кимнингдир ёзмагани учун раҳмат.Асқад МУХТОР. Ҳеч кутилмаганда, гўё булутсиз осмонда чақмоқ чаққандек, таҳририятга йигирматача ҳикоя қўлёзмасини кўтариб келди.– Кимники? – дедим ҳайрон бўлиб.– Меники, – пинагини бузмади у. – Ҳаммаси сенга. Бошқа ҳикояларимни «Пинак», «Соғиндик», «Ҳафтама-ҳафта» газеталарига, давоми…
Бу ўттиз йиллар аввалги воқеа. Ўшанда қишлоқ дўконига бир дона сариқ велосипед келди. Гард қўнмаган қоп-қора занжири, клёнка қопланган ўриндиғи, новвотранг мойқоғоз ёпиштирилган рулнинг никель қувури, ғилдиракнинг йўл кўрмаган тукли покришкаси. Онаси Бобошерни бир қути тузга юборган эди, дўкон остонасидаёқ давоми…
Мамади бованинг кампири йиқилди-ю етмиш йилдан бери биринчи марта ўз кучи билан оёққа турмади. Туғилмаган одамлар биз билан ёнма-ён яшолмаганидек ўлганлар ҳам сафимиздан кетиши кўз устидаги қошдай пешонага битилган эди. Чолнинг бўғзига нимадир тиқилди. Кампир ўлса ҳоли не кечади? Ёлғиз давоми…
Шаҳарга кетаётган куним онам Гулжон момоникига кириб ўтишимни тайинлади. Эҳ, Гулжон момо шўх эди, кампир бўла туриб кампирларга ўхшамасди. Ўғли Аҳмадқул уйидан чиқиб кетмаганида, балки ҳозир ҳам тишсиз оғзини катта очиб кулаётган ва: — Онангнинг елкасига ўт ёқма, барака топгур. давоми…