Абдуғани Абдувалиев 1942 йил 23 апрелда Наманган шаҳрида ишчи оиласида дунёга келган. 1964 йили Тошкент театр ва рассомчилик институтини тамомлаган. 1964-2012 йилларда Самарқанд вилоят театри, Наманган маданият бошқармасида, вилоят радиосида, 1978 йилдан «Наманган ҳақиқати» газетасида кўп йиллар адабий бўлим муҳаррири сифатида фаолият кўрсатган.
Абдуғани Абдувалиев адабиётга шеър ёзиш билан кириб келган, кейин эса насрда ижод қилишга ўтган. Унинг ҳикоялари, ҳажвиялари, ичакузди ҳангомалари, латифалари газета ва журналларда, тўпламларда мунтазам эълон қилиниб келган.
Унинг «Ассалому алайкум» қиссаси Саид Аҳмаднинг сўзбошиси билан «Шарқ юлдузи»нинг 1986 йил 12-сонида босилган. «Қарсаклар давом этади» қиссаси аввал «Бизнинг йўлимиз» номи билан 1988 йилда «Ёшлик» журналида, сўнг алоҳида китоб бўлиб чиққан — бу муаллифнинг биринчи китоби ҳисобланад. Кейинчалик у «Мунажжимнинг хатоси», «Эчки сути», «Пўшт, биз келяпмиз», «Гапирадиган қўй» китобларини ҳам тақдим этган. «Саломат бўлсинлар», «Аҳмоқ», «Тиллаби» қиссаларини ёзган. Айниқса, ёзувчининг «Аҳмоқ» қиссаси республикада кенг шуҳрат қозонган. Унинг «Унвон» романи, эссе-хотиралари, ўнлаб ҳажвиялари ва телеминиатюралари кишилар қалбидан жой олган. Қаллобларни фош этувчи «Васваса» сатирик комедияси вилоят театрида саҳналаштирилган.
Ҳурматли редаксия! Бир бемаъни ҳазил туфайли бошимга тушган ташвишлар ҳақида сизга ёзмоқдаман. Ўтган ойнинг бошларида бир йигит мендан: — Акахон, сиз Ғирвон қишлоғида яшаркансиз, “Ғирвон” сўзининг маъноси нима? — деб сўраб қолди. Ке, шу йигитга битта ҳазил қилиб қўяй, дедим: давоми…
У онасининг қорниданоқ тагли-тугли бўлиб туғилди. Уни «пуф-пуф»лаб боқишди, тетапоя бўлиб қад ростлагач, худди ҳайкалчадек боғчага олиб бориб ўрнатишди. — Пойдевори борми? — деди боғча мудираси Ҳайкалчанинг уёқ-буёғини сийпалаб. — О, бўлганда қандоқ! Фалончиевнинг болалари бўлади-я! — дейишди саволга жавобан. давоми…
Шарвонбининг дарвозахонаси нақ интернетнинг ўзи. Нафақат шаҳар ва вилоят, балки бутун мамлакат, ҳатто жаҳон миқёсидаги янгиликлар ҳам шу марказдан тарқалади. Шарвонби хонтахтани дарвоза остонасига қўйиб, савдони бошлаши билан бекорчи қўшни хотинлар ҳам гўшт ҳидини сезган аридек бирин-кетин инларидан чиқиб, шу давоми…