Коидзуми Тикаси (古泉千樫; 26 сентябрь 1886, Тиба префектураси — 11 август 1927) — япон шоири, Ито Сатионинг шогирди. ҳақиқий исми — Коидзуми Икутаро (古泉幾太郎).

***

Ботаётган куннинг шуъласи
Қирмизи ёнғиндай шомги тоғларда .
Бамбукларнинг қорайган
Соялари эса акс этар
Қоғоз деворда…

***

Ёмғир тинди .
Ботаётган қуёш бўзарар
Буғ кўтарилиб
Суза бошлар , ховуз устида
Гуллайди ноклар…

***

Қўшнилар мени
Буғли хаммомида чўмилишга
Таклиф қилишди .
Қайтаётиб осмонга боқдим .
Учқунлади қор…

***

Қадрдон дўстимни
Зиёрат қилгани бордим
Ромашка гуллари
Жуда эрта очилибди
Четан деворли , боғларда .

***

Фонарни ўчириб
Бораман тонг сахар чоғи .
Ва кўраман олисда
Оппоқ туманлар
Юмаланиб сузар ер узра…

Холдор Вулқон таржимаси.