Оуян Сю (анъ. хит. 歐陽修, сод. 欧阳修, пиньинь: Ōuyáng Xiū) (1007, Лулин, Цзиань, Цзянси провинцияси (ёки Мианьян, Сычуань) — 22 сентябрь 1072, Инчжоу, Фуян, Аньхой провинцияси) — Сун династиясида яшаган хитой давлат арбоби, тарихчи ва шоир.

СИХУ КЎЛИ ҲАҚИДА ҚЎШИҚ

Нилуфар гуллаган пайт
Сиху гўзалдир юз бор.
Шароб олдик, ўзинг айт,
Қадаҳ бунда на даркор?

Нигоҳинг бурсанг қаён,
Олланар рангин гуллар.
ўуж япроқлар ортидан
Шодон боқишар улар.

Олтин қадаҳда шароб
Ўзгача бўй таратар.
Қайиққа хушҳол қараб,
Йўл бўшатар нилуфар.

Ёмғир бошланар майин,
Сархуш юмилса-да кўз,
Шўх куй янграган сайин
Ортга йўл излагаймиз.

Русчадан Гулноз Мўминова таржимаси