Ёқуб Умар ўғли (Yakup Deliömeroğlu) 1966 йили Туркиянинг Чанкири шаҳрида туғилган. Анқара университетини битирган. Анқара университети соғлик билимлари институтила докторантурани тамомлаган.
2004-2006 йилларда Туркия ёзувчилар уюшмаси раиси. 2006 йили дўстлари билан бирга турк дунёси шоир ва ёзувчиларини бирлаштирадиган Евросиё Ёзувчилар уюшмасини тузди ва биринчи раиси бўлди.
Ёқуб Умар ўғли ўзбек, инглиз, рус, қозоқ, бошқирд, қирғиз тилларини билади.
Китоблари: «Tатарлар ва Татаристон» (Tatarlar ve Tataristan, 1997), «Турк дунёси ҳақида фикрлар ва сиёсатлар» (Türk Dünyası Üzerine Görüşler ve Politikalar, 1998), «Туркистон. Яссавийнинг шаҳри – Ясси ҳақида» (Türkistan Yesevi’nin Şehri- Yesi’ye Dair, 2003).
Ёқуб Умар ўғли ҳозирда Ғозий университетида ўқитувчи, Евросиё Ёзувчилар уюшмаси раиси ҳамда маркази Озарбайжонда бўлган Маҳмуд Қошғарий вақфи бошқарувчисидир.
Тез-тез хорижга чиқиб, юрт кўрган ҳар қандай киши каби, Қодир ҳам божхонада ишлаган одамларнинг феъли-хўйи ва хатти-ҳаракатларидан ўша мамлакат ҳақида ҳақиқатга яқин хулоса чиқара оларди. Божхона хизматчисининг қовоғи солиқ, назари муздай совуқ, безовта бўлса, бу: “Оёғингни ўйлаб бос ва ҳушёр давоми…