Kipling Jozef Redyard (1865.30.12, Bombey – 1936.18.1, London) — ingliz yozuvchisi. Yoshligi Hindistonda o‘tgan.
«Mahkama qo‘shiqlari» (1886) she’riy to‘plami, «Tog‘ hikoyalari» (1888) va «Uch soldat» (1888) novellalari, «Hyp so‘ndi» (1890), «Kim» (1901) romanlarida Britaniya harbiy kuchlari, ingliz-sakson «tsivilizatsiya»si madh etilgan. «Kazarma qo‘shiqlari» (1892), «Etti dengiz» (1896), «Besh millat» (1903) she’riy to‘plamlarida oddiy kishilar hayoti va fidoyiliklari tasvirlangan.
Qo‘shiqlari xalq og‘zaki ijodi uslubiga yaqin. Bolalar haqidagi «Dovyurak dengiz sayyohlari» (1897), «Shunchaki ertaklar» (1902) qissalari, Maugli sarguzashtlariga bag‘ishlangan «Jungli kitobi» (1-kitob, 1894; 2-kitob, 1895) keng tarqalgan.
«Rikki-Tikki-Tavi» (1964), «Maugli» (1974) va boshqa asarlari o‘zbek tiliga tarjima qilingan. Kipling asarlari asosida bolalar uchun multfilmlar yaratilgan.
Nobel mukofoti laureati (1907).
U tog‘lik er-xotin Sono va Jadening qizi edi. Bir yili dehqonchilikda ularning omadi chopmadi, Kotgar yaqinidagi Satle vodiysida ekilgan ozgina ekinni ham ayiqlar payhon qilib ketdi. Tog‘lik er-xotin bunday talofatni o‘z xudolarining marhamatsizligiga yo‘yishdimi, boshqa sababdanmi, o‘sha yili qishda ular davomi…