Орасио Силвестре Кирога Фортеза (Horacio Silvestre Quiroga Forteza) — машҳур Уругвай ҳикоянависи, драматург ва шоири. У, шунингдек, никарагуалик шоир Рубен Дарио асос солган модернизм мактаби давомчисидир.
Орасио Кирога 1878 йил 31 декабрда Уругвай ғарбида жойлашган Салто шаҳрида туғилди. Орасио оилада иккинчи фарзанд эди. Унинг отаси Пруденсио Кирога аргентиналик бўлиб, консул ўринбосари вазифасида ишларди. Фарзандлар тарбияси билан онаси Пастора Фортеза шуғулланган.
Орасио табиатни жуда севган, бир неча йиллар давомида тропик ўрмонларда яшаб сураткашлик билан ҳам шуғулланган. Шунингдек, у машҳур адиблар Эдгар Аллан По ва Ги де Мопассан асарларини қўлдан қўймай ўқирди. Бунинг таъсирини Орасио Кироганинг табиатнинг ажабтовур ақлга сиғмас хусусиятлари тасвирланган, ҳис-ҳаяжон ва қўрқув туғдирувчи мистик асарларида кузатиш мумкин. Унинг Cuentos de amor de locura y de muerte, El crimen de otro, Los perseguidos, El almohadón de pluma, Anaconda, Pasado amor каби ёзганлари шундай асарлар сирасига киради.
Ўзининг ҳаёти ҳам сир-синоатларга тўла Орасио Кирога 1937 йилда 58 ёшида Буэнос Айрес шаҳри касалхонасида ўз жонига қасд қилиш натижасида вафот этган.
Тўйдан кейинги асал ойи келинчак кутганидан кўра ўзгача ўтаётганди. Оқ-сариқдан келган, гўзал ва уятчан қизнинг бир пайтлардаги ўй-хаёллари эрининг совуққина муносабатидан саробга айланаётгандек эди. Шундай бўлса-да, келинчак эрини жуда севар, кўчада сайр қилиб юрганларида соатлаб сўз қотмайдиган баланд бўйли, келишган давоми…