Никколо Макиавелли (Niccolò di Bernardo dei Machiavelli) Европа уйғониш даврининг энг мураккаб сиймоларидан бири.
Мураккаблик ҳукмрон тўдаларнинг Макиавелли ижодини халқдан яширишга уринганлигидан, унинг ғояларини бузиб талқин этишдан келиб чиққан. Макиавеллининг барча асарлари ҳам бу кунга тушмаган. Асли ёзувчи ва шоир бўлган бу одам тарихчиликда ҳам баракали қалам тебратган. Бироқ Макиавелли фалсафа ва сиёсатшуносликка оид асарлари билан тарихда чуқур из қолдирди. “Ҳукмдор” унинг шоҳ асари ҳисобланади.
Макиавелли сиёсат ва жамиятшуносликнинг ўзини, айниқса, уларнинг ўзаги бўлмиш ҳокимиятшуносликни образ даражасига киритиб, қиёфа берди ва қурби етганча ҳақиқатни тараннум этди. Ҳа, у бор нарсани таърифлади. Бу нарса, албатта, шоҳларга, қиролларга, дин пешволарига ёқмасди.
ОЛИЙ ҲАЗРАТЛАРИ ЛОРЕНЦО ДЕИ МЕДИЧИГА — НИККОЛО МАКИАВЕЛЛИДАН Одатда, ҳукмдорни хурсанд этиш ва оқибатда меҳрини қозониш ниятида, одамлар бисотидаги энг ардоқли нарсаларидан отми, қурол-яроғми, ажойиб матоларними ёки қимматбаҳо тош, зебу зийнатларми, хуллас, ҳукмдорларнинг шаъну шавкатига мос келадиган буюмларни совға қиладилар. давоми…