Марҳабат Бойғут (Мархабат Байғұт) таниқли қозоқ адиби. Халқаро “Алаш” адабий мукофотининг соҳиби, Қозоғистон Республикасида хизмат кўрсатган маданият арбоби. Адибнинг “Сарато”, “Сирбулоқ”, “Бечора юрак”, “Товушнинг ранги” ва бошқа китоблари нашр этилган. Асарлари рус, украин, ўзбек, турк, қорақалпоқ, олмон тилларига таржима қилинган.
Марҳабат Бойғут. Ҳокимнинг аёли (ҳикоя)
Қизиқ. Икки минг ўн биринчи йилнинг ноябрида ер куррасида етти миллиардинчи инсон туғилди. Рўйхатга олинди. “Кўксандиқ” худди шундай хабарлади. Еттинчи ноябрда. Етти миллиард деди. Кейин “кўксандиқ”дан “Қўнғир” гуруҳининг қўшиғи берилди. Узун, хушқомат қиз: “Дунё…дунё… дунё-эй. Дунёга ким эга-эй?..” дея хониш давоми…