Ли Мунёл (이문열) – замонавий Жанубий Корея адабиётининг машҳур вакилларидан бири. У “Инсон ўғли”, “Император ҳақи”, “Император табриги”, “Шоир” каби романлар, кўплаб қисса ва ҳикоялар муаллифи. Ли Мунёл муҳаррирлигида ўн бир жилдли “Уч подшолик” хитой мумтоз романлар туркуми ўн бир миллион нусхада чоп этилган.
Адибнинг қатор роман ва қиссалари бошқа тилларга таржима қилинган, театрларда саҳналаштирилган, улар асосида бадиий фильмлар яратилган. “Олтин қанотли қуш” қиссаси 1982 йили Жанубий Кореянинг адабиёт соҳасидаги нуфузли Ким Тонин мукофотига лойиқ топилган.
Кo Жук юзида илиқ шуълани сезиб, кўзини очди. Ҳозиргина уйи ёнидаги черковда тонгги қўнғироқ чалинди. Деразанинг қора панжаралари офтоб нурида янада бўртиб кўринди. Кo Жук хонани тутган қора сиёҳ исини туйди. Эҳтимол, қадимда олхўризорлар шундай ҳид таратгандир? Балки тепасида аждаҳо давоми…