Клайд Роберт Булла (Clyde Robert Bulla) – америкалик таниқли болалар ёзувчиси. 1914 йили Миссури штатида туғилиб, 2007 йили Уорренсбергда вафот этган. Булланинг илк китоби “Эшакарава” (“The Donkey Cart”) 1946 йилда нашр этилган. Ёзувчи умри давомида болалар учун элликдан ортиқ китоб ёзди. Адибнинг “Скванто, Оқ одамнинг дўсти” (“Squanto, Friend of the White Man”) (1954), “Валентин мушуги” (“The Valentine Cat”) (1959), “Покахонтас ва бегоналар” (“Pocahontas and the Strangers”) (1971), “Болаларни асраган шер” (“A Lion to Guard Us”) (1981), “Рождество пальтоси” (“The Christmas Coat”) (1989), “Фаришталар макони” (“A Place for Angels”) (1995) каби асарлари болалар томонидан севиб ўқилган ва дунёнинг кўплаб тилларига таржима қилинган. К.Р.Булланинг қисса ва ҳикоялари жаҳон болалар кутубхонасининг ажралмас қисми саналади.