Карло Коллоди (итал. Carlo Collodi, ҳақиқий исми Carlo Lorenzini — Карло Лоренцини; 1826—1890) — италиялик ёзувчи ва журналист. Болалар учун ёзилган «Пиноккионинг саргузаштлари» асари билан машҳур. Унинг ушбу асари 300 дан ортиқ тилларга таржима қилинган. Асар дастлаб «Пиноккионинг саргузаштлари: ёғоч қўғирчоқ эртаги» (итал. «Le avventure di Pinocchio: storia di un burattino») номи билан 1881 йили Италиянинг «Болалар газетаси»да (Il Giornale dei Bambini) чоп этилади. 1883 йили алоҳида китоб бўлиб нашр қилинади.