Фридеш Эрнё Каринти (венг. Karinthy Frigyes Ernő; 25 июнь 1887, Будапешт — 29 август 1938, Шиофок) — венгер ёзувчиси, Венгриянинг энг кўзга кўринган ёзувчиларидан бири.1902 йили Жюль Вернга ўхшатма тарзда ёзилган «Ер марказига тўй саёҳати» асарини илк марта тақдим этган. Венгрия модернистларининг «Нюгат» (Ғарб) журнали билан ҳамкорлик қилган. Фридеш Каринти бирқанча шеърлар, пародиялар, ҳикоялар, фантастик-ҳажвий қисса ва романлар, драмалар ёзган.  Алан Милн, Жонатан Свифт асарларини венгер тилига таржима қилган. Асарлари: «Қийшиқ ойна» (1912, ҳикоялар), «Сиз шундай ёзасиз» (1912, пародиялар), «Ёш йигит билан учрашув» (1913, ҳикоялар), «Фа-ре-ми-дога саёҳат» (1915, пародия), «Кечиринг, ҳурматли устоз» (1916, ҳажвий роман), «Сеҳрли кресло» (1918, пьеса), «Христос ва Варрава (1918, фельетонлар), «Капиллария» (1921, ««Фа-ре-ми-дога саёҳат»нинг давоми), «Сим устида рақс» (1923, роман), «Буни ҳеч кимга айта олмайман» (1930, шеърлар), «Жаннатдан хабар» (1937, ҳажвий роман), «Бош суягим узра саёҳат» (1937, роман-гротеск), «Идишдаги мактуб» (1938, тамомланмаган шеърлар).