Дэвид Зелцер (David Seltzer) — америкалик ёзувчи, сценарист, продюсер ва режиссер. Шимоли-ғарбий университетнинг Кино ва телевидения мактабини тамомлаган. Дэвид асосан қўрқинчли кинолар олиш билан шуғулланади. «Омен» (1976) фильми уни жуда машҳур қилган. Ушбу фильм сценарийсини қайта ишлаб, «Омен» ҳақидаги асарлар сериясининг биринчи китоби «Ишора» романини ёзди. Кейинчалик серияни Жозеф Ховард ва Гордон Макгил давом эттирди.