Рус ёзувчиси. “Яланғоч йил” (1921), “Бўрон” (1922), “Учинчи пойтахт” (1923), “Қизил дарахт” (1929) “Волга Каспий денгизига қуйилади” (1930) каби асарлари билан шуҳрат қозонган.
Ижодида рус мумтоз адабиёти ва ғарбдаги турли адабий оқимларнинг таъсири очиқ сезилади. “Сўнмаган ой қиссаси” ёзувчининг энг яхши асарларидан бири. У реал ҳаётий воқеалар асосида ёзилган. Маълумки, 1925 йилда машҳур қўмондон Михаил Фрунзе Сталиннинг кўрсатмасига мувофиқ мажбуран операцияга ётқизилган ва кўп миқдорда юборилган хлороформдан заҳарланиб, оламдан ўтган эди. Олдиндан режалаштирилган бу қотиллик ҳақида ана шу йилларда ҳатто гапириш ҳам мумкин эмас эди. Ёзувчи Б.Пилняк “Сўнмаган ой қиссаси”да мазкур воқеага доир ўз нуқтаи назарини дадил илгари суради. Асар нашр этилиши биланоқ йиғиштириб олинади ва йўқ қилинади.
Ёзувчи 1937 йилда сохта айблар билан қамалиб отиб ташланади. Вафотидан кейин 1956 йилда оқланган. Асарлари кўп тилларга таржима қилинган.
СЎЗБОШИ Бу ҳикояни ўқиб, унда М.В.Фрунзе ўлимига боғлиқ воқеалар тасвирланган, деган хаёлга бориш мумкин. Шахсан мен Фрунзе билан таниш эмас эдим, уни бор-йўғи икки мартагина кўрганман, холос. Ўлимига доир тафсилотлар менга бутунлай қоронғи. Бундан ташқари, уларнинг аҳамияти ҳам йўқ. Сабаби, давоми…