Begim Ruqiya Saxovat Husayn (বেগম রোকেয়া সাখাওয়াত হোসেন) — Bangladesh shimolidagi Rangpurda dunyoga kelgan. Oilada arab va fors tillarida so‘zlashilardi. Bo‘lajak yozuvchi ingliz va bengal tillarini katta akasi Ibrohimdan o‘rgangan.
O‘n olti yoshida Bxalgalpur tumanidagi shahar boshqarmasida o‘rinbosar bo‘lib ishlaydigan Xon Bahodir Hasanga turmushga chiqadi. Xon Bahodir ayollarning ilm-ma’rifatli bo‘lishi tarafdori sifatida maktablar qurdirishga intilgan edi. Begim Ruqiya unga har bir ishda hammaslak bo‘ladi. 1909 yili erining o‘limidan so‘ng Begim Ruqiya tashabbusi bilan tashkil qilingan ilk maktabga Xon Bahodir Hasan nomi berildi. Jamiyatda ayollarning haq-huquqlarini himoya qilish, xotin-qizlar faolligini oshirish yo‘lida kurashgan adiba bu mavzuda qator asarlar yaratdi.
Begim Ruqiya Bangladesh tarixida ham yozuvchi, ham jamoat arbobi sifatida alohida o‘rin egallaydi.
Bir kuni kechqurun yotoqxonamdagi oromkursida yastanib yotarkanman, hind ayolining o‘ziga xos qirralarini ko‘z oldimga keltirdim. Bu o‘ngimmidi yo tushimmidi anglolmayman. Biroq xotiram pand bermasa, men uyg‘oq edim. Xullas, jilvasi ko‘zni qamashtiradigan ming olmos singari tovlanuvchi yorqin yulduzli oydin kechani ko‘rganim davomi…