Амина Шенликўғлу (Emine Şenlikoğlu) 1950 йил 1 январда Туркиянинг Адапазари шаҳрида туғилган. Асл исми Эмине Ўзжан Шенликўғлу (Emine Özkan Şenlikoğlu) дир.
Оз муддат Қоҳирадаги Ал-Азҳар Университетида ўқиган. 1984 йилдан «Мактуб» (Mektup) журналини чиқаришни бошлаган.
«Ёшликнинг иймонини сўроқлар билан ўғирладилар» (Gençliğin İmanını Sorularla Çaldılar) китоби учун 8 йилу 3 ой ҳибсда ўтирган.
«Маҳкум туйғулар» (Mahkûm Duygular, 1985), «Руҳим ойнаси» (Ruhumun Penceresi, 1991) шеърий тўпламлари, «Мария» (Maria, 1993), «Мен кимнинг қурбониман» (Ben Kimin Kurbanıyım, 1993), «Сўнгги пушмон фойда этар» (Son Pişmanlık Fayda Eder, 1997) романлари, «Йиғлатган йиллар» (Ağlatan Yıllar, 1991) хотира-китоби, «Виждон азоби» (Vicdan Azabı, 1992) тўпламлари машҳур.