Абу Ҳорис

(?-999)

(997-999)

Сомонийлар амири. Унинг даврида мамлакатда парокандалик, ички низолар (Мансур билан лашкарбошилар ўртасида) ташқи хафв (қорахонийларнинг ҳужумлари) кучайган. Айниқса, қорахонийлар томонига ўтган хоин лашкарбошилардан Фойиқ саройга нисбатан уюштирган фитналарда фаол қатнашади. 999 йилнинг февралида Фойиқ турк ғуломларига суянган ҳолда Мансурни тахтдан ағдариб, кўзини кўр қилади. Тахтга Мансурнинг укаси Абдумалик ибн Нуҳни ўтказишди. Бу кучсизланиб қолган сомонийлар сулоласига пайт пойлаб берилган кучли зарба эди. Маҳмуд Ғазнавий 999 йилнинг май ойида Мансур учун ўч олиш шиори остида Мовароуннаҳрга қарши қўшин тортди. У сомонийлар қўшинини тор-мор қилиб катта ўлжалар билан Ғазнага қайтди. Жанг оқибатида Хуросон Маҳмуд Ғазнавий қўлига ўтади. Юзага келган бу вазиятдан қорахонийлар ҳукмдори Элик Наср ҳам фойдаланишга ҳаракат қилган. Шу йили Мовароуннаҳр қорахонийлар томонидан эгалланган.