Иброҳим Ғафуров — мунаққид, таржимон ва ёзувчи.

1. ХХ аср жаҳон адабиётининг 10 энг яхши асари деб қайси асарларни тилга оласиз?

1. Чингиз Айтматов. «Соҳил бўйлаб чопаётган Олапар» (роман).
2. Александр Солженицин. «ГУЛАГ архипелаги» (роман).
3. Габриэл Гарсиа Маркес. «Бузрукнинг кузи» (роман).
4. Михаил Булгаков. «Уста ва Маргарита» (роман).
5. Эрнест Хемингуэй. «Чол ва денгиз» (қисса).
6. Рабиндранат Тагор. «Хонадон ва жаҳон» (роман), «Сўнгги достон» (роман).
7. Франц Кафка. «Жараён» (роман), «Қўрғон» (роман).
8. Жеймс Жойс. «Улисс» (роман), «Мусаввирнинг ёшликдаги шамоили» (роман).
9. Марсель Пруст. «Йўқотилган вақтни қидириб» (туркум романлар).
10. Ясунари Кавабата. «Тоғ нидоси» («Стон горы»), «Кўҳна пойтахт» романлари.

2. ХХ аср ўзбек адабиётидаги энг яхши 10 асарни тилга олинг.

1. Абдулла Қодирий. «Ўткан кунлар» (роман), «Меҳробдан чаён» (роман).
2. Абдурауф Фитрат. «Мунозара» (рисола).
3. Чўлпон. «Кеча ва кундуз» (роман).
4. Ғафур Ғулом. «Сен етим эмассан», «Мен яҳудий», «Вақт» шеърлари.
5. Абдулла Қаҳҳор. «Ўтмишдан эртаклар» (қисса).
6. Ҳамид Олимжон. «Ўрик гуллаганда» (шеър).
7. Зулфия. «Мушоира» (шеър).
8. Эркин Воҳидов. «Ўзбегим» (қасида), «Руҳлар исёни» (достон).
9. Абдулла Орипов. «Ўзбекистон», «Арманистон», «Юртим шамоли» шеърлари.
10. Мурод Муҳаммад Дўст. «Лолазор» романи.

Шу билан бирга, Саид Аҳмаднинг «Келинлар қўзғолони», Ўткир Ҳошимовнинг «Икки эшик ораси», Неъмат Аминовнинг «Елвизак», Одил Ёқубовнинг «Улуғбек хазинаси», Усмон Носирнинг «Юрак», Пиримқул Қодировнинг «Юлдузли тунлар» асарлари ХХ аср ўзбек адабиётида сезиларли из қолдирди.

Манба: «Ҳуррият» газетаси, 1999 йил, 12-18 май сони.