Nurilla Chori 1983 yili qishning adog‘ida Qashqadaryo viloyati Yakkabog‘ tumani Izilloq qishlog‘ida tug‘ilgan. 2003-2007 yillarda Mirzo Ulug‘bek nomidagi O‘zbekiston Milliy universitetining o‘zbek filologiyasi fakultetida tahsil olgan. U 2007-2011 yillarda “Yosh kuch” jurnalida faoliyat yuritgan. Shu yillar davomida bir qancha Adabiy gurunglar e’lon qilgan.Hikoyalari “Yoshlik” va “Jannat Makon” jurnalida chop etilgan. Shuningdek, yosh ijodkorlarning “Oltin ko‘prik” to‘plamidan o‘rin olgan. Ayni paytda “Mahalla” gazetasida xizmat qilayotir.
Bozirgan chavandoz dog‘da qoldi… Qizg‘aldoqning adog‘idan ko‘ndalangiga Tagsaroy oqadi. Tagsaroyning kungay beti qari lalmi (el shunday ataydi), qiblasi suvot – tayoq suqsang barg yozadi. Zamoni charxifalak bo‘lib ketgan bu kunda qozi ham, mirshab ham, do‘xtir ham tish-tirnog‘i bilan yerga tarmashgan. davomi…
Farmon tog‘amga«…Jonuzoq arab sal guppiroq odam edi. Uning nazarida, bu yorug‘ dunyoda atigi ikkita hurmatga loyiq odam bor edi: biri – galatepalik rais Raim G‘aybarov, ikkinchisi – qamashilik rais Norbo‘ta Sharof».Murod Muhammad Do‘stning«Lolazor» romanidan Hu-uv, u davronlar boshqacha edi. Har davomi…
O‘shanda nima bo‘lgan, buni yolg‘iz Egam biladi, yana Qulmat chol bilan iti biladi. Boshqalar ham bilishga biladi-ya, ammo ularning na ko‘zlari, na qulog‘i va na tili bor. Ha, aytgancha, ularning tuqqanidan tongan etagi yirtiq qizi, shalvarini ko‘tarib chopib yurgan o‘g‘li davomi…
Turdixolning eri askarlikka ketdi-yu, qaytmadi. O‘lik-tirigidan darak yo‘q. Yesir boshi bilan ko‘zining oqu qorasi bir o‘g‘il, bir qizini elga qo‘shaman, deb yoshini yashamay, yalmog‘izning singlisiday qaridi-qoldi. Bu orada ochiq boshi ne bir malomatlarga qolib, taqdirining issiq-sovug‘i yuziga chang solib, izg‘irin davomi…