Kelish va ketish – hayot va hurriyat. To‘xtab qolish esa o‘limdir.Qobus

E’tiqodingizga ko‘ra yashamayotgan ekansiz, yashayotganingiz kabi e’tiqoddasiz.Umar ibn Hattob r.a.

Ilmning avvali sukut, so‘ng eshitish, so‘ng yod olish, so‘ng amal qilish, so‘ng uni tarqatish.Imom G‘azzoliy

Ehtiyot bo‘l! Senda yo‘q yaxshiliklarni aytadigan kimsa senda yo‘q yomonliklarni ham aytadi.Vahb ibn Munabbah

Buyuk saodatlar buyuk iztiroblarning yonidadir.Erhan Bener

Ehtiyojlari uchun past kelmagan inson buyukdir.Lideri

Kuchga tayanmagan adolat ojiz, adolatga tayanmagan kuch esa zolimdir.Paskal

Iymon – ko‘rolmaganlariga ishonmoq, bu iymonning mukofoti esa ishonganlarimizni ko‘rishligimizdir.Avgustin

Kitob – mashg‘ullik paytingda o‘zi so‘z boshlamaydigan, ish vaqtingda chaqirmaydigan suhbatdoshdir. Unga chiroyli ko‘rinishing shart emas. Kitob – senga laganbardorlik qilmaydigan o‘rtoq, seni aldamaydigan do‘st, malol kelmaydigan yo‘ldosh va tahqirlamaydigan nasihatgo‘ydir.Ahmad ibn Ismoil

Qabrdagilarni pushaymon qilayotgan narsalar ustida tiriklar qirpichoq bo‘lmoqdalar.Imom G‘azzoliy