Туғилиш — ўлимга қўйилган биринчи қадамдир. Ўлимдан қўрқиш ҳам, қўрқмаслик ҳам мумкин — у муқаррардир. Иоганн Гёте

Буюк кишилар ҳеч қачон маддоҳлик қилмайдилар. Хушомад — майда одамларнинг иши, улар ўзлари ҳавас қилган атоқли шахсларнинг ҳаётий муҳитига кириб олиш учун яна ҳам майдалашишга тайёр кимсалардир. Оноре де Бальзак

Оналар оёғи остидадур Равзайи жаннату жинон боғи. Равза боғи висолин истар эсанг, Бўл онанинг оёғин тупроғи. Алишер Навоий

Абу Али ибн Синодан сўрадилар: — Дунёда давоси бўлмаган бирон дард борми? — Яхшининг ёмонга муҳтож бўлиши — давосиз дарддир.

Севгида қуёш каби бўл. Дўстлик ва қардошликда оқар сув каби бўл. Бировларнинг хатоларини ёпишда кеча каби бўл. Тавозеда тупроқ каби бўл. Ғазаб онида ўлик каби бўл. Ҳар не бўлсанг бўл – ё аслинг каби кўрин, ё кўринганинг каби бўл. Жалолиддин давоми…

Тўй ва таъзияға сарф қилинатургон оқчаларимизни биз, туронийлар, илм ва-дин йўлиға сарф этсак, анқариб оврупойилардек тараққий этармиз ва ўзимиз-да, динимиз-да обрўй ва ривож топар. Йўқ, ҳозирги ҳолимизға давом этсак, дин ва дунёға зиллат ва мискинатдан бошқа насибамиз бўлмайдур. Маҳмудхўжа Беҳбудий давоми…

Узоқ суҳбатдан сўнг ўтган гапларни бир эслашга уриниб кўр, шунда гапирилганларнинг аксарият қисми беҳуда, кераксиз ва кўпинча аҳмоқона бўлганига ҳайрон қоласан. Лев Толстой

Ўтмишга тўппончадан ўқ узсанг, келажак сени тўпга тутади. * * * Бургут товуқлар орасида бемалол юраверса, у бургут эмас. Расул Ҳамзатов

Ҳар кимки вафо қилса вафо топгусидур, Ҳар кимки жафо қилса жафо топгусидур, Яхши киши ёмонлиғ кўрмагай ҳаргиз, Ҳар кимки ёмон бўлса жазо топгусидур! Заҳириддин Муҳаммад Бобур

Кимки бир кўнгли бузуғнинг хотирин шод айлагай, Онча борким, Каъба вайрон бўлса, обод айлагай. Алишер Навоий