Карой Чех (1952-2013)

Венгриялик шоир Карой Чех 1952 йили туғилган. 1970 йилдан бошлаб дастлабки шеърларини ёза бошлаган. То шеърият бўстонига қадам қўйгунча у ўқитувчилик қилган. Илк изланишлари ижобий натижа бергач, бутун умрини шоирликка бағишлади. Халқ орасида Карчи тахаллуси билан танилган Карой Чех бир қатор рус шоирларининг шеърларини ўз она тилига таржима қилди.

АНТИК БАҲОР

Янги минг йиллик оҳангларидан,
гўё эмизикли она кўксининг
ҳар ёғидан бўртмача бўртиб чиқади
шундай, бу беозор ишмас,
зориққан заминга самонинг туҳфаси.
Ва унга, гўё янги туғилган чақалоқдек,
ўша эрта баҳор бош уришга тайёр.
жарангдор тарновчаларда сув эмас,
қушлар сайроғи оқиб тушар,
нечоғлик томлар тўла сайроқ билан,
гарчи сайроқи қушлар ҳамон
тепада ўйнаётган совуқдан жунжикар.
Уларнинг йўлбошчиси эса шафақ назаримда,
ранглари кўнгилни ва кўзларни
музлатиб юборадиган
ранг-баранг қирғовулга ўхшайди,
бироқ у эртага тонг билан уйғонар
ва ўша рангларнинг чўғи билан ҳайратлантирар.

САМОВИЙ ҚАБРИСТОН

Унда ҳамон ёғду сочаётган
Юлдузлар дафн этилган,
Ёдгорликдек уларнинг нури,
Қабр тошидек ўзига қўйилган.

Дафн этилган унда болалик–
Юз йилдирки, сўнган мана у,
Бироқ бизда унинг нурлари –
Хоҳламайди ҳеч ҳам сўнишни.

Рус тилидан Даврон Ражаб таржимаси