Сўфий Ҳисорий (1878-1921)

* * *

Биз ҳама ёрдин ёмон эрдик ва лекин билмадик,
Барчадан шарманда жон эрдик ва лекин билмадик.

Бу не ҳолким не амал бор, не фаросат, не тамиз
Бадтарин аҳли жаҳон эрдик ва лекин билмадик.

Зиқна феълимиз билан хеш таборни ранжитиб
Яхши сўзга безабон эрдик ва лекин билмадик.

Нафсни билмасдан туриб, сўфиликдан лоф уриб
Хулқи ҳайвондан ёмон эрдик ва лекин билмадик.

Гарчи бизнинг айбимиздан ҳеч кимса воқиф эмас,
Панд эшитмас, ғўр инсон эрдик ва лекин билмадик.

Сўфий паришонлик билан сўйлади дил дардини,
Юртда сарсону сомон эрдик ва лекин билмадик.

Ҳасанбой Ғойиб таржимаси