Мирзо Олимжон Ҳасрат (XIX-XX аср)

* * *

Сенсиз гулни гулшанда хор билурмиз,
Зикрингсиз тасбеҳни зуннор билурмиз.

Кимки неъматингга шукр қилмаса
Оёқдан бош қадар девор билурмиз.

Зоҳидо,  сўйлама ишқу вафодан,
Суратинг шунчаки инкор билурмиз.

Заҳрин сочар бўлса йўқдир омонлиғ,
Номардни  ҳамиша  мор билурмиз.

Фалакдан дили  доғ бу Ҳасратийнинг,
Фалакни дил каби  афгор билурмиз.

Тожикчадан Ҳасанбой Ғойиб таржимаси