Alisamid Kur (1954)

Alisamid Kur (Əlisəmid Kür) 1954 yilda tug‘ilgan. Hozirgi zamon Ozarbayjon adabiyotining iste’dodli namoyandalaridan biri. “Rangin ko‘lkalar”, “Qirq tanish chehra” (1991), “Kentavr” (1997), “Ter va qon ichida” (2000) kitoblarining muallifi.

* * *

Kulchaning bir yuzi bor –
Orti turar tandirda.

Tuproqning bir yuzi bor –
Uni qancha kavlama,
Ich-ichini ko‘rmassan.
Tuproqning bir yuzi bor
Elkasini ko‘rmassan!

Yolg‘onning nonini yemassan,
Yolg‘onning ming yuzi bor.
Men bir to‘g‘ri so‘z aytdim
So‘zimning bor bir yuzi –
Bir yuzi bor Alisamidning.

ShU SABAB…

Har millatning qora kuni bor, –
Qora bayrog‘i bor shu sabab.
Qo‘rimoqqa gar tuprog‘i bor, –
Qurol-yarog‘i bor shu sabab.

Qora kuning bo‘lsa oq uni,
Qora bayroqda bor qora yel, –
Gumoning ham qora shu sabab.
Zulm payti dard bilinar
Mard qolsa nomard qo‘lida,
Yurt qolsa dushman qo‘lida, –
Qolganing ham shu erur,
O‘lganing ham shu erur.

MARSIYa

Sarkash soylarning oqishi
Suvlarning bog‘liq sasiga.
Men kechdim.
Sen kecholmading
Tuprog‘im-ey!

Sir bordir quduq tubinda,
Ich-ichiga cho‘kar dardi.
Jinnisi oqil kabi,
Aqllisi jinni kabi
Millatim-ey!

Otash cho‘g‘i qolgan o‘choq,
Kulga bog‘liq.
Qochib qolar bari qo‘rqoq
Mardlarin o‘limiga bog‘liq –
Mamlakatim-ey!

Yurti talon bo‘lgan yurt,
G‘am, hasratga qo‘yar chek.
Uvlayapman bo‘ridek –
Millatim-ey,
Mamlakatim-ey!

Ozarbayjonchadan Xosiyat Rustamova tarjimasi.