Ог Мандино (1923-1996) – америкалик ёзувчи. Онаси вафот этгач, у 17 ёшида қоғоз фабрикасига ишга кирди, сўнгра ҳарбий учувчилик ўқув юртида таҳсил олди, Иккинчи жаҳон урушида қатнашди. Урушдан кейин “Бу ишни бугун бажар!” сўзларини ўзига шиор қилган Мандино даставвал нотиқ сифатида танилди. Айнан унинг нотиқлик санъати туфайли минглаб тингловчилар ҳаётини қайтадан бошлашди, маънавиятини бойитиш мўъжизасини кашф этишди. Кенг омма билан мулоқот унинг вужудида болаликдаги ёзувчиликка бўлган қобилиятини уйғотди ва ижодга киришди. Ёзган асарлари мавзуси қизиқарли ва ўзига хос бўлгани учун китоблари қўлма-қўл ўқилди, дунё бўйлаб тарқалди. Унинг “Буюк савдогар”, “Яхши яшаш сири”, “Акабар “Умиднома”си”, “Дунё-даги буюк мўъжиза” каби 14 та китоби жаҳондаги 25 тилда 50 миллиондан ортиқ нусхада босилиб чиққан.