Ариадна Сергеевна Эфрон (1912-1975) оташнафас рус шоираси Марина Цветаеванинг тўнғич қизи. Ўқимишли, ота-онаси каби истеъдодли бу қиз «халқ душманининг фарзанди» сифатида ўзининг энг гўзал ёшлик ва кучга тўлган даврини сургун, қамоқхоналарда ўтказди.
Болалиги, ёшлиги, бутун умри адабиёт, санъат оламида ўтган Ариадна Эфроннинг гўзал асарлари, мўйқаламига мансуб ажойиб суратлар, бетакрор таржималари, айниқса, иккинчи марта сургундан қайтиб, тинч ҳаётга эришгач, онаси – «Марина Цветаева ҳақида хотиралар» китоби бугунги кунда ўта қадрлидир.
ОНАМ ҚАНДАЙ ИНСОН ЭДИ? Онам – Марина Ивановна Цветаванинг бўйи унчалик баланд эмас эди – 163 сантиметрлар келарди. Қадди мисрликларникидай тик, кенг елкали, беллари нозик эди. Ҳамиша ёш кўринувчи юзлари худди буғланиб тургандай кўринар, оёқлари узун эди. Қадам ташлашлари енгил давоми…